Մարգարիտ Խաչատրյանը ծնվել է 1970 թվականի հուլիսի 31-ին, Չարենցավանում։ Ավարտել է Երևանի Հ. Շիրազի անվան դպրոցը։ Սովորել է Սոս Սարգսյանի ղեկավարած Գաբրիել Սունդուկյանի անվան ազգային ակադեմիական թատրոնի ստուդիայում, որտեղ նրան դասավանդել են Նիկոլայ Ծատուրյանը, Արմեն Էլբակյանը։
1986 թվականին ընդունվել է Երևանի գեղարվեստա-թատերական ինստիտուտի դերասանական ֆակուլտետ (ղեկավար՝ Հրաչյա Ղափլանյան)։
Նկարահանվել է հեռուստատեսային բազմաթիվ հումորային նախագծերում, ինչպես նաև կատարում է էստրադային երգեր:
2017 թվականից Հակոբ Պարոնյանի անվան երաժշտական կոմեդիայի պետական թատրոնի դերասանուհի է:

Խաղացած դերեր.
Մայրը՝ «Շառլատան»
Անահիտ՝ «Հրավիրված եք ծնունդի»
«Սիրելիներից մի բաժանվեք»
«Չինացին էլ կարող է հայ լինել»
«Քարերը հավաքելու ժամանակը»
Մարիա՝ «Իմ կինը, ձեր ամուսինը եւ քաղաքապետի օգնականը»: