Հակոբ Պարոնյանի անվան թատրոնում 1917թ հուլիսի 1-ին կայացավ թատերական երկու լեգենդի` ՀՀ ժողովրդական արտիստ Երվանդ Ղազանչյանի և նրա լուսահոգի տիկնոջ` ՀՀ ժողովրդական արտիստ Գալյա Նովենցի ծննդյան 80-ամյակին նվիրված երեկո:
Ներկա էին պետական այրեր, հասարակական գործիչներ, մտավորականներ և թատերարվեստի ոլորտի նվիրյալներ: «Իմ ցանկությունն է, որ այս օրը հիշեք ոչ թե Գալյա Նովենցի և Երվանդ Ղազանչյանի երեկո, այլ մարդկանց, որոնք ներկա են հանդիսասրահում»,- ասել է Ե. Ղազանչյանը:

2016 թվականը Հակոբ Պարոնյանի անվան երաժշտական կոմեդիայի պետական թատրոնի համար հոբելյանական տարի է՝ թատրոնը նշում է իր հիմնադրման 75-ամյա հոբելյանը:
Ողջ տարվա ընթացքում հոբելյանական միջոցառումների շրջանակներում ցուցադրվեցին մի շարք ներկայացումներ` նվիրված թատրոնի երախտավորներ՝ Վարդան Աճեմյանի, Արտեմի Այվազյանի, Արամ Տեր-Հովհաննիսյանի, Թադևոս Սարյանի, Շարա Տալյանիհիշատակին: Թատրոնը հյուրախաղերով հանդես եկավ ԱՄՆ Գլենդեյլ քաղաքում՝ Գ. Խանջյանի «Ինձնից պրծում չկա» և Ժ. Հարություն
յանի «Պարոն Բաբիկը և ուրիշներ» ներկայացումներով:
Հոբելյանական միջոցառումները եզրափակվեցին Հ. Պարոնյանի անվան երաժշտական կոմեդիայի պետական թատրոնում կայացած հանդիսավոր հոբելյանական ծրագրով:

Բախտավորություն է, երբ հեղինակին հնարավորություն է ընձեռվում ներկայացնել մի թատրոնի պատմություն, որի հիմնադրման ականատեսն է: Ասվածը վերաբերում է արվեստաբան, ՀՀ մշակույթի վաստակավոր գործիչ Սերգեյ Առաքելյանին, որի «Հայ մշակույթի մեծերը» մատենաշարի 17-րդ աշխատությունը նվիրված է Երեւանի Հ. Պարոնյանի անվան երաժշտական կոմեդիայի պետական թատրոնի հիմնադրման 75-ամյակին:
Թատրոնի հիմնադրման օրվանից Սերգեյ Առաքելյանը ոչ միայն այդ մշակութային օջախում է, այլեւ բազում կերպարներ է խաղացել, այդ թվում՝ Կուրտիս (Շեքսպիրի «12-րդ գիշեր»), Մանկովիչ (Նուշիչի «Տիկին մինիստրուհին», Ամիլախվարի (Ջոջուա՝ «Ծղնեթցի Մայան»), Ադվոկատ (Չարենցի «Կապկազ թամաշա») եւ այլն: Ասում են՝ Տաթեւիկ Սազանդարյանը, Գոհար Գասպարյանը, Շարա Տալյանը հիացել են նրա բարիտոնով, օրինակ, Մոկրոուսովի «Որտեղ է այդ տունը, որտեղ է այդ փողոցը» օպերետում Պյոտրի կերպարում: